प्रजासत्ताक दिनानिमित्त आयोजित रक्तदान शिबिरात ७३ जणांचे रक्तदान

पुणे : ७३ व्या भारतीय प्रजासत्ताक दिनानिमित्त आयोजित शिबिरात ७३ जणांनी रक्तदान करत राष्ट्राला अनोख्या स्वरूपात मानवंदना दिली. युवा सामाजिक कार्यकर्ते पुष्कर प्रसाद आबनावे यांच्या पुढाकारातून महर्षीनगर सार्वजनिक गणेशोत्सव मंडळ आणि ‘रक्ताचे नाते’ चॅरिटेबल ट्रस्ट यांच्या संयुक्त विद्यमाने केईएम हॉस्पिटल ब्लड बँकेच्या सहकार्याने हे शिबीर आयोजिले होते.

शांताराम पोमण, राजेश लोहोकरे, तन्मय पोमण यांनी मंडळाच्या वतीने सहकार्य केले.प्रजासत्ताक दिनाच्या निमित्ताने या शिबिराला उत्स्फूर्त प्रतिसाद मिळाला. ६४ वर्षीय ज्येष्ठ नागरिकाच्या रक्तदानाने शिबिराला सुरुवात झाली. २२ रक्तदात्यांची पहिल्यांदाच रक्तदान केले. स्वतः पुष्कर आबनावे यांनी रक्तदान करत इतरांना रक्तदानासाठी प्रोत्साहित केले. रक्ताचे नाते चॅरिटेबल ट्रस्टचे राम बांगड शिबिराला उपस्थित राहत रक्तदात्यांचा उत्साह वाढवला. महाराष्ट्र प्रदेश काँग्रेस कमिटीचे सरचिटणीस अभय छाजेड यांनी शिबिराला भेट देऊन शुभेच्छा दिल्या.पुष्कर प्रसाद आबनावे म्हणाले, “प्रजासत्ताक दिनाच्या निमित्ताने ७३ रक्त पिशव्या संकलित करून अभिवादन करण्यात आले.

राम बांगड आणि अभय छाजेड यांचे मार्गदर्शन व शुभेच्छा प्रेरणादायी ठरल्या. शिबिराला युवक, महिला, पुरुषांचा चांगला प्रतिसाद मिळाला. सामाजिक भावनेतून कार्य करताना कायमच आनंद मिळतो.”