नवीन मराठी प्रेम गीत ‘प्रेम हे प्रेम हवे’ प्रेक्षकांच्या भेटीला
पुणे, ११ मार्च: एस. के. एस. इव्हेंट आणि एंटरटेनमेंट व 3बी एंटरटेनमेंट प्रस्तुत ‘प्रेम हे प्रेम हवे’ या बहुप्रतीक्षित मराठी अल्बम गाण्याचे पोस्टर प्रकाशन व गाण्याचे प्रदर्शन आज शुक्रवार दिनांक ११ मार्च रोजी चारली स्टुडिओ, स्वारगेट येथे करण्यात आले. यावेळी या गाण्यातील सर्व कलाकार, निर्माते, दिग्दर्शक, गायक, गीतकार आदी सर्व टीम सोबत काही अथीती कलाकार व हितचिंतक उपस्थित होते.
एस के एस इव्हेंट आणि एंटरटेनमेंट आणि 3B एंटरटेनमेंट प्रस्तुत प्रेम हे प्रेम हवे या गाण्याची निर्मिती सचिन घोरपडे आणि शर्वरी साबळे यांनी केली असून हे गाणे संपूर्ण महाराष्ट्रातील प्रेक्षकांसाठी आज प्रदर्शित होत आहे. टिव्ही वरिल विविध मराठी चॅनल तसेच युट्युबवर देखील या गाणे प्रेक्षकांना पाहायला मिळेल अशी माहिती दिग्दर्शक व निर्माते यांनी दिली.
‘प्रेम हे प्रेम हवे’ या गाण्यात मुख्य कलाकार म्हणून सिने अभिनेत्री झेबा शेख, नवोदित अभिनेता बालाजी भोसगे, निर्माते जान्हवी बालाजी भोसगे, बालाजी भोसगे, शर्वरी साबळे, दिग्दर्शक सचिन घोरपडे, सहदिग्दर्शक योगेश दळवी, कमलेश शर्मा, गीतकार जतिन शर्मा, संगीतकार सचिन घोरपडे, गायक अभिजीत पाटणकर, गायिका चारुलता पाटणकर, छायाचित्रण संचालक DOP चैतन्य साळुंखे आदींनी काम केलं आहे.
आज गणे प्रदर्शित करण्याच्या प्रसंगी उपस्थित असले सेलिब्रिटी गेस्ट चेतन चावडा, गजानन कांगणे, निखिल निगडे यांनी सदर गाण्याचे कौतुक केले व सर्व टीमला शुभेच्छा दिल्या.
