दहावी परीक्षेत विद्या भवन इंग्लिश स्कुलचा सलग अकराव्या वर्षी शंभर टक्के निकाल
पुणे, पिरंगुट : एस. एस प्रतिष्ठान संचलित श्री विद्या भवन इंग्लिश स्कुल (पिरंगुट) चा निकाल दहावी(शालांत) परीक्षेत शंभर टक्के लागला असून सर्व विद्यार्थ्यांनी उत्तीर्ण होऊन घवघवीत यश मिळवले आहे.
आदिती अमोल भोसले हिने ९१.२० टक्के मिळवून प्रथम क्रमांक पटकावला तर मधली लक्ष्मण सिंगांजूडे हीने ८९ टक्के गुण मिळवून द्वीतिय क्रमांक पटकावला तर ८८.४० टक्के मिळऊन सनदभोर मारूती वैष्णवी ने तृतीय क्रमांक भुषवला. या वर्षी एस.एस.सी साठी ६८ विद्यार्थ्यांनी परीक्षा दिली असून यामधील ४१ विद्यार्थ्यांनी 80 टक्के पेक्षा जास्त मार्क मिळवले. तर २७ विद्यार्थ्यांनी 60 टक्के हून अधिक गुण प्रात केले.
सलग अकराव्या वर्षी श्री विद्या भवन इंग्लिश स्कुल चा निकाल शंभर टक्के लागला आहे. एस. एस प्रतिष्ठानचे संचालक श्री विठ्ठलराव साठे, शाळेच्या संचालिका व प्राचार्य सौ. सुचित्रा साठे, सर्व संचालक, शिक्षक वर्गाने यशस्वी विद्यार्थ्यांचे अभिनंदन केले.
श्री विद्या भवन इंग्लिश स्कूल हे ग्रामीण भागातील विद्यार्थ्यांना उच्च दर्जाचे शिक्षण देण्यासाठी कार्य करत आहे या ठिकाणी शिक्षणासोबतच विद्यार्थ्यांच्या सर्वांगीण विकासासाठी विविध उपक्रम वर्षभर राबवले जातात. येथे शेतकरी, गरीब, सर्वसाधारण कुटुंबातील विद्यार्थी शिकतात असे प्राचार्य सौ सुचित्रा साठे यांनी सांगितले.
