सोनी एन्टरटेन्मेंट टेलिव्हिजनवरील ‘मॅडनेस मचाएंगे इंडिया को हसाएंगे’ कॉमेडी शो

मॅडनेस मचाएंगे इंडिया को हसाएंगे’ मध्ये हुमा कुरेशी कॉमेडीयन स्नेहिल मेहरा दीक्षितला म्हणाली, “राधिका आप्टेची इतकी छान नक्कल मी यापूर्वी पाहिली नव्हती.” या शनिवारी, सोनी एन्टरटेन्मेंट टेलिव्हिजनवरील ‘मॅडनेस मचाएंगे इंडिया को हसाएंगे’ हा कॉमेडी शो हास्याचा आणखी एक जबरदस्त डोस घेऊन येत आहे, ज्यामध्ये कॉमेडी आणि काव्य यांचे बेमालूम मिश्रण असेल. शोच्या या ‘मुशायरा स्पेशल’ भागात येणार आहेत प्रख्यात कवी आणि अभिनेता शैलेश लोढा आणि त्यांच्यासोबत असतील गौरव मोरे, सृष्टी रोडे आणि सुगंधा मिश्रा.

या भागात एका भन्नाट हास्य सफरीसाठी सज्ज व्हा कारण आपले विनोदबहाद्दर केतन सिंह, कुशल बद्रिके, हेमांगी कवी आणि स्नेहिल मेहरा दीक्षित म्हणजेच बीसी आँटी ‘मर्डर मिस्ट्री’ या जबरदस्त अॅक्टने धमाल उडवून देतील. या अॅक्टमध्ये एका विश्वासू नोकराच्या भूमिकेत कुशल आणि चुणचुणीत नोकराणीच्या रूपात हेमांगी आपल्या मालकाच्या खुनाचे रहस्य उलगडण्यासाठी पोलीस आणि मीडियाला मदत करताना दिसतील. केतन सिंह देखील या अॅक्टमध्ये दिसेल.

या अॅक्टमध्ये स्नेहिलने केलेली पोलीसची भूमिका भाव खाऊन जाते. पोलीसच्या पात्राला तिने राधिका आप्टेचा रंग देऊन तपास कार्यवाही बहारदार केली आहे. स्नेहिलचा परफॉर्मन्स पाहून प्रभावित झालेली मॅडनेस की मालकीन हुमा कुरेशी म्हणाली, “राधिका माझी चांगली मैत्रीण आहे. अनेक कलाकारांना मी तिची नक्कल करताना पाहिले आहे, पण इतकी हुबेहूब राधिका आप्टे मी या आधी पाहिलेली नाही! मी क्लिप मी नक्कीच तिला दाखवीन.”

आपला परफॉर्मन्स आणि इतर सह-कलाकारांसोबत काम करण्याचा आपला अनुभव सांगताना स्नेहिल मेहरा दीक्षित म्हणाली, “आमचे ही ‘मर्डर मिस्ट्री’ स्किट प्रेक्षकांसमोर सादर करताना मी रोमांचित झाले आहे. केतन सिंह, कुशल बद्रिके आणि हेमांगी कवी यात माझ्या सोबत आहेत. या टीमसोबत काम करताना धम्माल येते. माझ्या या भूमिकेत रंग भरण्यासाठी मी काही चित्रपट पाहिले आणि माझ्या व्यक्तिचित्रणावर काम केले. हुमा कुरेशीने माझ्या भूमिकेचे कौतुक केल्यावर तर मला आकाश ठेंगणे झाले! अशा प्रसिद्ध कलाकाराकडून पाठीवर कौतुकाची थाप मिळाली की धन्यता वाटते.

मर्डर मिस्ट्रीचे हे विनोदी रूप प्रेक्षक कधी बघतात असे मला झाले आहे!” बघायला विसरू नका ‘मॅडनेस मचाएंगे इंडिया को हसाएंगे’ या शनिवारी आणि रविवारी रात्री 9:30 वाजता फक्त सोनी एन्टरटेन्मेंट टेलिव्हिजनवर!