मोहम्मद रफी सामाजिक पुरस्काराने ॲड. पी. टी. जगदाळे सन्मानित

पुणे: भारतीय चित्रपट संगीतामधील सूर्य तसेच मधुर आणि पहाडी आवाजाचे सुप्रसिध्द गायक मोहम्मद रफी साहेब जन्मशताब्दी सोहळ्याचे आयोजन श्रीविद्या एंटरप्राईजेस, स्वर-किरण सांगितीक रन्गमन्च व सुजय प्रतिष्ठान यांच्या संयुक्त विद्यमाने निवारा संस्थेच्या आवारात करण्यात आले होते. यामध्ये अक्षय रक्तपेठीच्या सहाय्याने ४४ रक्त पिशव्यांचे संकलन करून तर रफी सुमन गीतांची सुरेल मैफील व विविध क्षेत्रातील उल्लेखनीय कामगिरी करणाऱ्या व्यक्तींना मोहम्मद रफी सामाजिक पुरस्कार देऊन गौरवण्यात आले.

सदर सोहळ्यासाठी ज्येष्ठ सिने नाट्य अभिनेते मोहन जोशी यांची प्रमुख उपस्थिती लाभली असून त्यांनी देखील आपल्या गाण्याने रसिकांना मंत्रमुग्ध केले. कार्यक्रमासाठी श्रीविद्या एंटरप्राइजेसचे श्रीधर कुलकर्णी, स्वर-किरण सांगितीक रन्गमन्च चे ॲड. पी. टी. जगदाळे, सुजय प्रतिष्ठानचे सुरेश सकपाळ, प्रसिद्ध गायक इकबाल दरबार, माजी पोलीस महानिरीक्षक विठ्ठल जाधव, उद्योजक किसन भोसले, अतुल लोंढे, शरद आढाव, श्री निवास वारुंजीकर, श्रीधर कुलकर्णी, सुभेदार विजय महाडिक यांच्या सह अनेक मान्यवर व रसिक प्रेक्षक मोठ्या संख्येने उपस्थित होते.

गायक विजय वाघमारे, सतीश मराठे, विजय रणावरे, सौ किरण सावंत यांच्या गायनातून ही संध्याकाळ चांगलीच रंगलेली पाहायला मिळाली. कार्यक्रमा प्रसंगी ॲड. पांडुरंग जगदाळे यांना श्रीविद्या इंटरप्राईजेस तर्फे मोहम्मद रफी सामाजिक पुरस्कार देऊन गौरवण्यात आले. संपूर्ण कार्यक्रमाचे निवेदन मनिष गोखले यांनी केले होते.