Pune: काऊडीग्निटी आणि फार्मर्स प्रोग्रेस फाउंडेशन तर्फे पुण्यातील पल्स फाउंडेशनला समाजरत्न पुरस्कार सोमवार दिनांक २५ डिसेंबर रोजी विद्यार्थी सहाय्यक समितीच्या मोडक सभागृह येथे प्रदान करण्यात आला. काऊडीग्निटी आणि फार्मर्स प्रोग्रेस फाउंडेशन आयोजित ‘कॅन्सल द कॅन्सर’ उपक्रमाचा समारोप विविध क्षेत्रातील व्यक्तींना राज्यस्तरीय पुरस्कार देऊन केला गेला.
सदर कार्यक्रमाला आयोजक ज्येष्ठ गोसेवक सूर्या पुजारी, व्यवसाय मार्गदर्शक श्रीकृष्ण सावंत, दत्ता कोहींकर, श्रीकांत धुमाळ गुरूजी व इतर मान्यवर उपस्थित होते. पुणे शहरांमध्ये फुटपाथ वर झोपणारे लोकांना स्वेटर, चादर, ब्लॅंकेट व नित्य उपयोगी वस्तू, पल्स फाउंडेशन मदत म्हणून देते. आरोग्य शिबिर आणि जन जागृतता असे सामाजिक कार्य पल्स फाउंडेशन गेल्या सहा वर्षांपासून कार्यरत आहे. या सामाजिक कार्यास प्रोत्साहन म्हणून हा पुरस्कार देण्यात आला.
सन्मानचिन्हं, मानपत्र व पुष्पगुच्छ असे या पुरस्काराचे स्वरूप होते. फाउंडेशनचे ज्येष्ठ सभासद श्री जयंत शहा, अध्यक्ष जिनेन शहा, सह खजिनदार नेहा गायकवाड, सामाजिक कार्यकर्ते आकाश जाधव, मिस रिद्धी शहा व सोमनाथ भुमकर यांनी पुरस्काराचा स्वीकार केला.
