पुणे बिजनेस क्लब तर्फे श्री. सुमित जैन सन्मानित

पुणे (कात्रज): पत्रकारितेच्या माध्यमातून जन सामन्याचा आवाज बनण्यासोबतच पुणे शहरातील मोठ्यांबरोबर छोटे व्यवसायिकांना देखील “मीडिया वर्ल्ड- बिझनेस कट्टा” हे व्यासपीठ उपलब्ध करून देणारे युवा पत्रकार श्री. सुमित जैन यांचा पुणे बिझनेस क्लब च्या वतीने मीडिया क्षेत्रात दिल्या जाणारा मनाचा पुरस्कार देऊन सन्मान करण्यात आला.

कात्रज कोंढवा रस्त्यावरील अल्टीमा बिझनेस सेंटर येथे झालेल्या समारंभ प्रसंगी पुणे बिझनेस क्लबच्या संस्थापिका सपना काकडे, अभिनेत्री स्मिता शेवाळे, नृत्यांगना नुपूर दैठणकर, मॉडेल समृती सचिन गवळी यांच्या सह विविध क्षेत्रातील मान्यवर उपस्थित होते.

गेल्या ९ वर्षांपासून पुणे शहरातील सामाजिक, राजकीय, शैक्षणिक, व्यवसायिक व मनोरंजन आदी घटकांना आपल्या अनोख्या पद्धतीने प्रसिद्धीच्या झोतात आणणारे उभरते व्यक्तिमत्त्व म्हणून सुमित जैन हे नाव अनेकांना आपलेसे वाटणारे आहे. त्यांचा थेट-भेट, बिझनेस कट्टा, मदत नव्हे कर्तव्य, वर्ष विकासाचे की आश्वासनांचे आदी कार्यक्रम प्रसिध्द आहेत.