Mumbai : अनेक मराठी चित्रपटांचे यशस्वी प्रमोशन आणि हाउसफुल शोज चे आयोजन करणारे पुण्यातील प्रसिद्ध सयोग एंटरटेनमेंट आणि पुणे बिझनेस क्लब आता हिंदी बॉलीवूड चित्रपटाचे प्रीमियर शो आयोजित करणार आहेत.येणाऱ्या 9 ऑगस्ट रोजी राष्ट्रीय स्तरावर प्रदर्शित होणारा ‘अलिया बासू गायब है’ या हिंदी चित्रपटाचे विशेष शो चे आयोजन करण्यात येणार आहे.
चित्रपटाचे ट्रेलर नुकतेच मुंबई येथे लॉन्च करण्यात आले असून या सोहळ्यासाठी सदर सिनेमाचे सर्व कलाकार, दिग्दर्शक, निर्माते सोबतच सयोग वेंचर्स व पुणे बिझनेस क्लब’च्या संचालिका सौ. सपना काकडे तसेच सेलिब्रिटी अँकर डॉ. दीप्ती वाघमारे उपस्थित होत्या.
चित्रपटाचे पुणे आणि पिंपरी चिंचवड येथील विविध सिनेमागृहामध्ये प्रीमियर शो प्रेक्षकांना पाहता येणार आहे. तसेच लवकरच या चित्रपटाचा प्री रिलीज सोहळा कलाकारांच्या उपस्थितीत पुणे शहरात साजरा होणार आहे. त्यासाठी पुण्यातील शो आयोजकांना व उत्सुक सर्वांना विशेष निमंत्रण आयोजीका सौ. सपना काकडे यांनी दिले.
प्रसंगी डॉक्टर दीप्ती यांनी त्यांच्या उत्कृष्ट शैलीमध्ये कलाकारांची मुलाखत घेतली.
