सौ. अश्विनी जाधव यांना क्रांतिज्योती सावित्रीबाई फुले गुणवंत शिक्षिका पुरस्कार
शिरवळ: आविष्कार फाऊंडेशन कोल्हापूर यांच्या वतीने आयोजित राज्य स्तरीय गुणवंत शिक्षक शिक्षिका पुरस्कार सोहळ्यात जिल्हा परिषद प्राथमिक शाळा टाकळवाडे येथील आदर्श उपक्रमशील व विद्याथीप्रिय शिक्षिका सौ अश्विनी विक्रम जाधव यांना राज्यस्तरीय क्रांतीज्योती सावित्रीबाई फुले गुणवंत शिक्षिका पुरस्काराने केनिया चे आंतरराष्ट्रीय मॅरेथॉन सुवर्णपदक विजेत्या केनिथ कीर्तिजी यांचे हस्ते सन्मानित करण्यात आले. यावेळी कार्यकमाच्या अध्यक्ष स्थानी सातारा जिल्हा परिषदेचे माजी उपाध्यक्ष नितिन भरगुडे पाटील उपस्थित होते.
निमंत्रक म्हणून विवेक गुरव (यशदा ट्रेनर पुणे ) विजय पवार ( आंतरराष्ट्रीय क्रीडा मार्गदर्शक वाई ) विशेष उपस्थिती जयकुमार खरात ( माजी कोषागार अधिकारी मंत्रालय मुंबई) संजय पवार (अध्यक्ष ‘ संस्थापक आविष्कार फौंडेशन कोल्हापूर इंडिया) श्री मुरलीधर पवार अध्यक्ष सातारा जिल्हा आविष्कार फौंडेशन श्री शिवाजी निकम उपाध्यक्ष सातारा जिल्हा आविष्कार फौंडेशन .,
आविष्कार फौंडेशन कोल्हापूर ही आंतरराष्ट्रीय दर्जाची एक सामाजिक कार्य करणारी एक नामांकित संस्था असलेने हा सन्मान अत्यंत प्रतिष्ठेचा मानला जातो. अनेक तळागाळातील प्रामाणिकपणे काम करणाऱ्या गुणवंत शिक्षकांचा या माध्यमातून सन्मान केला जातो .
