Pune: द इन्स्टिट्यूट ऑफ कंपनी सेक्रेटरीज ऑफ इंडिया ने औद्योगिक व शैक्षणिक क्षेत्रात नाविन्यता व उत्कृष्टता आणणाऱ्या अनेक कार्यक्रमांची व उपक्रमांची घोषणा केली. आंतरराष्ट्रीय परिषदांचे आयोजन करण्यापासून ते विविध प्रकारचे उपयोगी कार्यक्रम सुरू करण्यापर्यंत, कॉर्पोरेट गव्हर्नन्स आणि सामाजिक जबाबदारीचे भविष्य घडवण्यात आयसीएसआय आघाडीवर आहे.आयसीएसआय चे अध्यक्ष सीएस बी नरसिम्हन यांनी अलीकडेच संस्थेतील नवीन धोरणे आणि उपक्रमांची माहिती पत्रकार परिषदेत दिली.
बदलत्या नियामक वातावरणाशी आणि तांत्रिक प्रगतीशी जुळवून घेण्याच्या महत्त्वावर जोर देऊन, नरसिम्हन यांनी त्यासाठी लागणारी कौशल्ये व गुणवत्ता वाढवण्याच्या दृष्टीने आयसीएसआयची विविध धोरणे, मानके व कायदे याविषयीची वचनबद्धता स्पष्ट केली. आयसीएसआय ची तिसरी आंतरराष्ट्रीय परिषद: आयसीएसआयने अलीकडेच 5-6 एप्रिल 2024 रोजी सिंगापूर येथे “बिल्डिंग रेझिलिएंट आणि सस्टेनेबल इकॉनॉमीज” या थीमवर आधारित तिसऱ्या आंतरराष्ट्रीय परिषदेचे आयोजन यशस्वीरीत्या केले होते.
या परिषदेने मान्यवर, सरकारी अधिकारी, व्यावसायिक, कॉर्पोरेट नेते, शिक्षणतज्ज्ञ आणि नियामकांसह विविध भागधारकांना एकाच व्यासपीठावर आणले होते. एआय, एएमएल, ईएसजी, डीई अँड आय, नॉन-फायनान्शिअल रिपोर्टिंग आणि बोर्ड इफेक्टिवनेस यांसारख्या महत्त्वाच्या विषयांचा समावेश करून समृद्ध चर्चा, लवचिक आणि शाश्वत अर्थव्यवस्थेच्या उभारणीसाठी या परिषदेत विचार मंथन करण्यात आले. दुसरी राष्ट्रीय महिला परिषद:विविध क्षेत्रातील महिलांच्या अमूल्य योगदानाची दखल घेऊन, आयसीएसआय ने 22-23 मार्च 2024 रोजी बेंगळुरू येथे दुसऱ्या राष्ट्रीय महिला परिषदेचे आयोजन केले होते.
“स्त्री नेतृत्वाला प्रेरणा द्या – प्रगतीचा वेग वाढवा” या थीम अंतर्गत या परिषदेचे उद्दिष्ट महिला नेत्यांना प्रेरणा देणे आणि सक्षम करणे, लैंगिक समानता आणि समावेश यांसारख्या महत्वाच्या विषयांवर या परिषदेत चर्चा करण्यात आली. आयसीएसआय च्या नवीन आस्थापना:न्याय वितरण सुलभ करण्यासाठी आणि सामाजिक प्रशासन बळकट करण्याच्या आपल्या ध्येयानुसार, आयसीएसआय ने राष्ट्रीय आणि आंतरराष्ट्रीय स्तरावर मध्यस्थी आणि सलोख्याला समर्थन देण्यासाठी नोएडा, उत्तर प्रदेश येथे आंतरराष्ट्रीय ADR केंद्राची स्थापना केली. याव्यतिरिक्त, भारतातील सामाजिक लेखापरीक्षण आणि प्रभाव मूल्यांकनाचे वाढते महत्त्व ओळखून संस्थेने सामाजिक लेखापरीक्षकांच्या संस्थेचे उद्घाटन केले.
सदस्य व विद्यार्थ्यांचे सक्षमीकरण आयसीएसआय आपल्या सदस्यांना आणि विद्यार्थ्यांना आयसीएसआय नोंदणीकृत मूल्य संस्था (आयसीएसआय RVO), इन्स्टिट्यूट ऑफ इन्सॉल्व्हन्सी प्रोफेशनल्स (आयसीएसआय IIP), आणि स्टार्ट-अप आणि MSME उत्प्रेरक यांच्या स्थापनेसह विविध उपक्रमांद्वारे सक्षम बनवत आहे. हे उपक्रम आयसीएसआय ची प्रशासन आणि अनुपालनातील महत्त्वाची भूमिका अधोरेखित करतात तसेच उद्योग मानकांची पूर्तता केली जाते याची खात्री करतात.
जागतिक पाऊलखुणा आणि सामाजिक जबाबदारी:चांगल्या कॉर्पोरेट गव्हर्नन्सला चालना देण्यासाठी जागतिक दृष्टीकोनातून, आयसीएसआय ने आपली विदेशातील उपस्थिती वाढवली आहे आणि शैक्षणिक संधी आणि नातेसंबंध वाढवण्यासाठी शैक्षणिक सहकार्य केले आहे. याव्यतिरिक्त, संस्था सामाजिक जबाबदारीसाठी वचनबद्ध राहते, संरक्षण कर्मचारी, अग्निवीर, शहीदांचे कुटुंब आणि विद्यार्थ्यांना विविध योजना आणि शिष्यवृत्तींद्वारे मदत करते.
आयसीएसआय बद्दल:इन्स्टिट्यूट ऑफ कंपनी सेक्रेटरीज ऑफ इंडिया (आयसीएसआय) ही भारतातील कंपनी सचिवांच्या व्यवसायाचे नियमन आणि विकास करण्यासाठी कंपनी सेक्रेटरीज कायदा, 1980 अंतर्गत स्थापन केलेली एक प्रमुख व्यावसायिक संस्था आहे. भारत सरकारच्या कॉर्पोरेट व्यवहार मंत्रालयाच्या अंतर्गत कार्यरत, आयसीएसआय उच्च दर्जाचे शिक्षण प्रदान करण्यासाठी आणि सदस्य आणि विद्यार्थ्यांसाठी उच्च दर्जा स्थापित करण्यासाठी समर्पित आहे.
